Sielkundige groepterapie vir kinders is wanneer ‘n klein groepie kinders saam met ‘n opgeleide sielkundige nuwe emosionele, sosiale of gedragsvaardighede aanleer en inoefen (American Psychological Association [APA], 2019; Verywell Mind, 2024). Die inhoud van die groep is gewoonlik op sielkundige teorieë en navorsing gebaseer (Corey, Corey, & Corey, 2018; Kazdin, 2017).
Hoe verskil ‘n sielkundige terapiegroep van ander groepsaktiwiteite?
Anders as informele groepsaktiwiteite, word terapeutiese groepe doelbewus beplan met duidelike doelwitte, ontwikkelingsgeskikte inhoud, en etiese riglyne (APA, 2019; Psychology Today, n.d.; Corey et al., 2018).
Hoe verskil dit van individuele terapie?
In individuele terapie werk ‘n kind een-tot-een met ‘n sielkundige (APA, 2019). Die fokus is dikwels meer intensief en geïndividualiseerd, met ruimte vir diepgaande verwerking van unieke ervarings.
In ‘n groep is die fokus anders: kinders leer saam (APA, 2019; Verywell Mind, 2024). Die klem val dikwels op vaardigheidsontwikkeling – byvoorbeeld om angs te hanteer, emosies te verstaan, of sosiale vaardighede te versterk (Kazdin, 2017).
Groepterapie vervang dus nie noodwendig individuele terapie nie, maar die twee vorme van terapie kan mekaar aanvul (APA, 2019; Corey et al., 2018).
Wat maak ‘n sielkundige terapiegroep anders?
Die groepskonteks skep ‘n natuurlike oefenruimte waar kinders nuwe gedrag kan probeer, terugvoer kan ontvang, en in ‘n veilige omgewing kan eksperimenteer met nuwe maniere van dink en doen (Corey et al., 2018; Yalom & Leszcz, 2020). Navorsing toon dat groepe veral effektief is wanneer die doel is om spesifieke vaardighede te ontwikkel en te veralgemeen na die skool- en huisomgewing (Kazdin, 2017).
Een van die kragtigste invloede van groepterapie, is dat ‘n kind kan besef: Ek is nie alleen nie. Navorsing oor terapeutiese groepe wys dat hierdie ervaring van “universaliteit” ‘n kern terapeutiese faktor is (Yalom & Leszcz, 2020). Dit verminder gevoelens van isolasie en skaamte – twee emosies wat dikwels probleme in stand hou (Yalom & Leszcz, 2020; APA, 2019). Wanneer skaamte afneem, word kinders meer bereid om nuwe vaardighede te probeer.
Samevatting
‘n Kinderterapiegroep is nie bloot ‘n speelgroep nie, en ook nie ‘n vervanging vir individuele terapie wanneer dit nodig is nie. Dit is ‘n gestruktureerde, navorsingsgebaseerde manier om:
• Emosionele vaardighede te ontwikkel
• Sosiale leer te benut
• Gevoelens van isolasie in ‘n probleem te verminder
• Nuwe gedrag veilig te inoefen
Wanneer dit eties en professioneel aangebied word, kan groepwerk ‘n kragtige ontwikkelingsruimte wees waar kinders nie net vaardighede leer nie – maar ook ontdek dat hulle nie alleen is nie (APA, 2019; Yalom & Leszcz, 2020).
Verwysings
American Psychological Association. (2019, October 31). Psychotherapy: Understanding group therapy. https://www.apa.org/topics/psychotherapy/group-therapy
Corey, M. S., Corey, G., & Corey, C. (2018). Groups: Process and practice (10th ed.). Cengage Learning.
Kazdin, A. E. (2017). Evidence-based psychotherapies for children and adolescents (3rd ed.). Guilford Press.
Psychology Today. (n.d.). What is group counseling? Retrieved February 26, 2026, from https://www.psychologytoday.com/basics/therapy/what-is-group-counseling
Verywell Mind. (2024). What is group therapy? Retrieved February 26, 2026, from https://www.verywellmind.com/what-is-group-therapy-2795794
Yalom, I. D., & Leszcz, M. (2020). The theory and practice of group psychotherapy (6th ed.). Basic Books.
American Psychological Association. (2019, October 31). Psychotherapy: Understanding group therapy. https://www.apa.org/topics/psychotherapy/group-therapy
Psychology Today. (n.d.). What is group counseling? Retrieved from https://www.psychologytoday.com/basics/therapy/what-is-group-counseling
Verywell Mind. (2024). What is group therapy? Retrieved from https://www.verywellmind.com/what-is-group-therapy-2795794
